Останато

Британецот Џеј Кларк победник на Macedonian Open!

Сподели
ФОТО: ТФСМ
Сподели

Дваесет и шест годишниот Британец Џеј Кларк е победник на годинашното издание на АТП Челинџер 75 турнирот Macedonian Open 2025, откако во финалето, кое траеше 84 минути, го совлада тенисерот Нермин Фатиќ од Босна и Херцеговина со 2-0 во сетови (6:2, 6:3).

За триумфот, Кларк освои 75 АТП поени и паричен износ од 19.200 евра, додека финалистот Фатиќ доби 44 поени и 7.620 евра. Кларк прв дојде до брејк во четвртиот гем од мечот и поведе со 3:1, но Фатиќ веднаш возврати со ри-брејк за 3:2. Сепак, Британецот веднаш ја врати предноста со нов брејк за 4:2, а сетот го затвори со уште еден освоен сервис-гем на противникот за убедливи 6:2.

Во вториот сет, Кларк направи брејк уште на стартот за водство од 2:0, кое бргу го зголеми на 3:0. Иако му беа потребни пет меч-топки за да го затвори сетот, тој остана смирен и триумфираше со 6:3, запечатувајќи ја победата и трофејот.

Ова воедно беше и најкраткиот меч за Кларк на турнирот во Скопје, кој ги доби сите натпревари со 2-0 во сетови. На патот до титулата, тој ги совлада и фаворитите Хуго Делиен (прв носител), Жоел Шварцлер (бранител на титулата) и Педро Качин.

Додека се одигруваше финалето во сингл на Централниот терен, на терен број 5 се играше финалето во конкуренција на двојки. Титулата ја освоија чешките тенисери Ендрју Полсон и Михаел Врбенски, кои со пресврт славеа против Срирам Балаџи и Мигуел Рејес-Варела (Индија/Мексико) со 2-1 во сетови (2:6, 6:4, 10-6). Финалето во двојки траеше 82 минути.

Поради дожд, двата финални меча беа одложени за речиси три часа и се играа на различни терени. Иако дождот повторно се појави кон крајот, не ја спречи успешно да се одржи церемонијата на доделување на медалите.

Виолета Јанчева, Спортска Мрежа

 

 

Сподели

Не пропуштајте

Ракомет

Три победи и само еден загубен сет: Штип УГД вечерва ја брани серијата против Работнички

Штип УГД вечерва има можност да го продолжи беспрекорниот првенствен почеток. Во салата „Џексон“, од 19 часот, штипските одбојкари го пречекуваат Работнички 71&22...

Останато

Јовановски и Деспотовски на 40. Конгрес на ФИВБ во Доминиканска Република

Претседателот на Одбојкарската федерација на Македонија, Петар Јовановски, и генералниот секретар Филип Деспотовски ќе учествуваат на 40. Конгрес на Светската одбојкарска федерација (ФИВБ),...

Поврзани написи
Останато

Јовановски и Деспотовски на 40. Конгрес на ФИВБ во Доминиканска Република

Претседателот на Одбојкарската федерација на Македонија, Петар Јовановски, и генералниот секретар Филип...

Останато

Струмица ја заврши европската приказна: подобар отпор, но Састамала повторно победи

Одбојкарите на Струмица го завршија настапот во Челенџ купот на ЦЕВ, откако...

Останато

55. „Златен гонг“ успешно реализиран, три бронзи за македонските боксери

Јубилејното 55. издание на меѓународниот боксерски турнир „Златен гонг“ успешно се одржа...

✕
error: Содржина е заштитена! Се забранува копирање на истата!