Македонскиот кик-боксер Бобан Илиоски синоќа во Женева, Швајцарија, ја одбрани светската титула во категоријата до 88,6 килограми според ВАКО Про правилата (К1 стил), совладувајќи го францускиот борец Кадри Мурсели со технички нокаут во втората рунда.
Ова беше прва успешна одбрана на титулата што ја освои минатата година во Скопје, кога по тешка и неизвесна борба го победи турскиот боксер Берк Дузенли со резултат (2-1).
Овојпат, со сигурен и доминантен настап, Илиоски не само што ја потврди својата шампионска класа, туку јасно стави до знаење дека е подготвен за нови предизвици и борби од висока класа.
Виолета Јанчева, Спортска Мрежа
