В недела се играат натпреварите од последното 27. коло на Првата женска фудбалска лига со што завршува сезоната. Последни четири натпревари, а во рамки на последното коло екипата на Атлетико од Битола ќе биде слободна.
Познати се и судиите кои ќе ја делат правдата на натпреварите од 27. коло, а кои ќе започнат во 16 часот.
Дербито на колото ќе се игра во Тетово меѓу Љуботен и Тиверија Брера, но сјајот на самото дерби ќе го нема бидејќи Љуботен ја одбрани титулата поточно двојната круна и во недела нема да има резултатско значење, но секако дека ќе сакаат и двете екипи триумф.
По мечот Љуботен ќе го подигне шампионскиот пехар и ќе ја прослави четвртата во низа титула во Првата женска фудбалска лига.
- ДЕЛЕГИРАНИ СУДИИ 27. КОЛО ПЖФЛ:
Речица – Истатов, Ангела Рајчевска (Скопје)
Ас Јунајтед – Скопје, Димитар Левески (Охрид)
Топ Гол – Каменица Саса, Јордан Јовановски (Гевгелија)
Љуботен – Тиверија Брера, Вјолца Изеири (Гостивар)
