Турнирот во Враништа продолжува во голем стил – четири нови натпревари, нови победници и многу голови за радост на публиката која и вечерва го наполни теренот.
Студио 13 и понатаму ја задржува победничката форма, овојпат со минимален, но значаен триумф од 2:1 против борбениот тим на Гостилница кај Мече.
Би-Зи Груп одигра тактички зрел меч и со 2:0 го совлада Дооел Ноче, осигурувајќи вредни бодови и уште еден чекор напред кон елиминациите.
Вистинска демонстрација на сила прикажаа Станица и Викса Пром, кои буквално го прегазија составот на Коза Ностра со убедливи 5:0, доминирајќи во сите сегменти од играта.
За крај, публиката беше почестена со трилер – Електро Промет и Ночелино одиграа еден од највозбудливите натпревари досега. Екипат на Ночелино забележа тешка победа од тесни 4:3, во меч со многу пресврти и драма до самиот крај.
„Враништа 2025“ продолжува со несмален интензитет – страст, голови и извонредна атмосфера, кои ветуваат уште многу фудбалски моменти за паметење!
Спортска Мрежа е медиумски покровител на турнирот Враништа 2025, а нашата соработка трае долго години!
