Фудбалската федерација на Македонија информира дека утре (вторник), со почеток во 12:00 часот, во просториите на „Куќата на фудбалот“ ќе се одржи ждрепката за бараж натпреварите за пласман во Втората македонска фудбалска лига (ВМФЛ) за сезоната 2025/26.
Во ждрепката ќе учествуваат шест екипи – Осогово, кој оваа сезона настапуваше во Втората лига, и петте шампиони од Третата лига:
- Шкендија Арачиново (Север)
- Слога Виница (Исток)
- Големо Коњари (Југ)
- Преспа (Југозапад)
- Тетекс (Запад)
Спортска Мрежа подготвува емисија за детално претставување на екипите. Новата емисија на Спортска Анализа на Спортска Мрежа ќе се емитува оваа недела.
Бараж натпреварите ќе се играат во сабота, на 24 мај, со почеток од 17:00 часот. Победниците од трите дуели ќе обезбедат место во ВМФЛ во наредната сезона.
Истовремено, утре ќе се одржи и состанок со екипите кои ќе се борат во баражот за пласман во Првата лига (ПМФЛ). Тој натпревар ќе се игра во недела, на 25 мај, со почеток исто така во 17:00 часот. На состанокот ќе бидат утврдени и стадионите на кои ќе се одиграат сите бараж средби.
Како што дознава Спортска Мрежа, бараж натпреварот за влез во Прва лига ќе се игра на Градскиот стадион во Кавадарци, но да причекаме на конечната и официјална одлука на ФФМ.
