Утре ќе започне новата натпреварувачка сезона 2024/2025 во Првата ракометна лига на Македонија со натпреварите од првото коло.
Иако требаше да настапуваат 18 екипи, сепак во новата сезона учество ќе земаат 17 екипи. Пред стартот на првото коло екипата на Борец која беше шампион во ракометната елита на Македонија во далечната 1995 година згасна и нема да се натпреварува, па тоа значи дека во групата А наместо 9 екипи ќе настапуваат осум.
Дополнителен проблем ќе биде тоа што наместо една слободна екипа, во секое коло ќе има по две слободни екипи, бидејќи Борец учествуваше во ждрепката се комплетираше распоредот, а потоа велешката ракометна гордост за откажа од натпреварување.
Колку за потсетување во рамки на групата А ќе се натпреваруваат екипите на Астраион, Јехона, Аеродром, Еурофарм Пелистер 2, Кичево, Металург РА, Мулти Есенс, Овче Поле.
Во првото коло од новата сезона утре Аеродром ќе се соочи со Овче Поле на домашен терен, Јехона ќе игра со Мулти Есенс, а пак Астраион ќе игра со Металург Ра.
Во првото коло слободни ќе бидат екипите на ланскиот суперлигаш Еурофарм Пелистер 2 и Кичево.
Во групата Б ќе се натпреваруваат екипите на Вардар Неготино, Драчево, Македонија ЃП, Младост од Богданци, Партизан, Скопје, Текстилец, Шампион и Преспа Вардар.
Во првото воведно коло Шампион дома ќе игра со Партизан, Преспа Вардар во Ресен ќе го пречека тимот на Драчево, Македонија ЃП ќе игра дерби на домашен терен со Младост од Богданци, а пак ланскиот суперлигаш Вардар ќе игра со Текстилец, во рамки на првото коло слободна ќе биде екипата на Скопје.
Сите натпревари се играат во недела, освен мечот меѓу Аеродром и Овче Поле кој се игра утре.