Вечерва се одиграат четири натпревари на турнирот во мал фудбал „Стојаково 2025“ каде одново публиката следеше вистински голеади на сите натпревари.
Вечерва стандардно се отвори со натпреварите кај јуниорите, во генерација 2012/2013 тимот на У10 од Гевгелија „пукна петарда“ и со 5:1 го декласираше тимот на Џоко Чона.
Во вториот меч одново сигурна победа откако Мини Дриблерс со 3:1 славеше над МК Гевгелија во генерација 2016/2017.
Кај сениорите беше „пеколно“, многу погодоци, пресврти и вистинска драма. Првиот меч беше навистина „луд“ понуди десет погодоци, а на крајот немаше победник откако Илинден 2007 и Кафе Бар Проект одиграа 5:5.
Во вториот меч беше далеку понеизвесно само три погодоци го решија победникот откако Пролетер со 2:1 го доби Тобако Лени.
Утре програмата нуди три натпревари, два кај јуниорите и еден кај сениорите. Вечерва се отвара во 18 часот со мечот во генерација 2010/2011 меѓу Бригада 12 и Фавела Бојс, а пак во 18:30 часот Кико Кидс ќе се соочи со Дроне Транспорт.
Од 19 часот ќе започне единствениот меч кај сениорите каде ќе се судрат Млаз Инженеринг транспорт против Дизел Кале Тобако Марија.
Во вторник одново програмата ќе понуди четири натпревари. Во 18 часот јуниори генерација 2012/2013 Кирил и Методиј против Уни Глобал, од 18:30 часот Mild Home Store против Vibe Bar, а пак од 19 часот започнуваат натпреварите кај сениорите.
Радовишани одново ќе одиграат два натпревари нивниот тим Порта ЕУ – Фреит Оне ќе игра со Тобако Лени од 19 часот, а 45 минути подоцна одат на мегдан со домаќинот Пролетер од Стојаково.
Спортска Мрежа по првпат е медиумски покровител на овој спортски настан.
