Ракометарите на Радовиш во претходното коло забележаа важна победа над Струга на домашен терен, а сега во рамки на 4. коло на плеј-аутот гостуваат во Прилеп каде исто така ќе мораат да победа ако сакаат директен опстанок во Суперлигата.
Радовишани на гостувањето во „Ристе Ристески – Ричко“ ќе имаат поддршка од своите „Лебари“, навивачката група од Радовиш организирано доаѓа во Прилеп со цел да даде максимална поддршка на нивниот миленик во битката за опстанок.
„Сега сме му најпотребни на клубот за опстанок во Суперлигата. Да се собереме во што поголем број и да ја дадеме максималната поддршка“, велат од НГ „Лебари“.
Радовиш ќе ја бара првата победа сезонава на гостински терен, прва радост во гости, а за таа цел „Лебари“ организирано доаѓаат во Прилеп да го бодрат својот миленик.
Тргнувањето е предвидено во 16 часот пред СРЦ „25 Мај“ во четврток, а мечот се игра во 19 часот во спортската сала „Ристе Ристески – Ричко“.
