Овој викенд беа одиграни натпреварите од 12. коло на Втората женска фудбалска лига.
Вардар предводен од Теодора Димитровска дојде до нова и сигурна победа од 0:4 над Порече во Македонска брод, откако резултатот беше отворен брзо.
Во 12. минута резултатот беше 0:1 со голот на Миа Закев, а веќе во 16. минута Мирјана Ѓеровска погоди за 0:2 на полувреме. Во вториот дел од мечот Елена Костадиноска беше прецизна за 0:3, а пак искусната Теодора Јанковска во 80. минута ги постави конечните 0:4.
Борец се израдува конечно на триумф откако на домашен терен со 4:0 ја доби Плачковица од Радовиш. Мери Трајковска беше стрелец на два брзи гола за 2:0 на полувреме, откако во 4. минута го отвори резултатот, а во 12. минута постигна втор гол.
Во второто полувреме Александра Пешова постигна гол за 3:0, а во 67. минута Весна Милојевиќ беше сигурна за 4:0.Билјанини Извори на гостување кај Победа Валандово забележа победа од 0:5, а меч кој беше решен во вториот дел. По првите 45 минути гостинот од Охрид имаше минимална предност од 0:1 со голот на Марија Јулчовска.
Во второто полувреме Јуловска постигна втор гол за 0:2, а потоа Стефанија Ристова во 55. минута беше прецизна за 0:3. Седум минути подоцна Ева Андонова постигна гол за 0:4, а во 72. минута Викторија Стојаноска ги постави конечните 0:5.
Претходно, како што информираше Спортска Мрежа лидерот Кочани со 0:5 го доби дебитантот Слободен, извештајот за овој натпревар е достапен овде.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ЖФК КОЧАНИ | 12 | 11 | 1 | 0 | 90 | 8 | +82 | 34 |
| 2 | ЖФК Вардар 2023 | 12 | 10 | 1 | 1 | 78 | 7 | +71 | 31 |
| 3 | ЖФК БИЛЈАНИНИ ИЗВОРИ 2010 | 12 | 9 | 1 | 2 | 65 | 13 | +52 | 28 |
| 4 | ЖФК ПОРЕЧЕ 2015 | 12 | 5 | 1 | 6 | 23 | 31 | -8 | 16 |
| 5 | ЖФК ПЛАЧКОВИЦА | 12 | 4 | 1 | 7 | 26 | 31 | -5 | 13 |
| 6 | ЖФК ПОБЕДА ВАЛАНДОВО 16 | 12 | 1 | 3 | 8 | 8 | 71 | -63 | 6 |
| 7 | ЖФК БОРЕЦ(-3) | 12 | 2 | 1 | 9 | 13 | 82 | -69 | 4 |
| 8 | ФК Слободен/ЖФК | 12 | 0 | 3 | 9 | 5 | 65 | -60 | 3 |
