По 24 одиграни кола во Втората македонска фудбалска лига, трката за титулата најдобар стрелец станува сѐ поинтересна. На врвот на листата сега се наоѓаат двајца фудбалери со идентичен голгетерски ефект – Симеон Христов од Македонија ЃП и Аљбин Рамадани од Арсими, кои досега имаат постигнато по 18 погодоци.
Христов долго време ја држеше водечката позиција сам, но Рамадани со одлични игри и ефикасност успеа да го стигне и сега двајцата водат директна битка за голгетерската круна во последните кола од сезоната.
Зад нив, на третата позиција се наоѓа Андреј Симевски од Каменица Саса со 12 постигнати голови, додека четврт е Хусеин Демири од Башкими со 11 погодоци.
До крајот на шампионатот нѐ очекува возбудлива завршница и неизвесна битка за титулата најдобар стрелец во лигата.
