Спортска Мрежа од „Билјанини Извори“
Шампионот Еурофарм Пелистер вечерва се намачи за да го добие Охрид во „Билјанини Извори“ со 25:27 во рамки на 18. коло од ракометната Суперлига.
По завршувањето на натпреварот голманот на Еурофарм Пелистер, Никола Митревски за Спортска Мрежа изјави дека натпреварот бил вистинско дерби, вели дека вакви натпревари треба да има постојано, а атмосферата била одлична со двете навивачки групи.
„Добар натпревар неизвесен, вистинско дерби одлична атмосфера од двете навивачки групи. Можеби ова е нешто што треба да го имаме постојано, во плеј-офот ќе гледаме почесто вакви натпревари и едноставно ова е убавината на спортот, на ракометот, атмосферата без инциденти две навивачки групи. Го добивме овој натпревар нормално дерби секоја страна можеше да победи“, изјави голманот на Еурофарм Пелистер, Никола Митревски за Спортска Мрежа.
Во следното коло Еурофарм Пелистер во Битола го очекува дербито со лидерот Алкалоид, а пак Охрид гостува кај Пролет во Скопје.
