Ракометниот клуб Охрид официјално ги пушти во продажба билетите за реванш натпреварот од четвртфиналето во ЕХФ Европскиот куп против грчкиот Олимпијакос, кој ќе се одигра во СРЦ „Билјанини извори“.
Станува збор за еден од најважните натпревари за охридскиот тим оваа сезона, во кој ќе се решава патникот во полуфиналето, а клубот веќе ја мобилизира својата публика.
Првиот натпревар ќе се одигра во Атина, додека реваншот е закажан за 4 април со почеток од 18:00 часот во Охрид.
„Онлајн продажбата на билети за натпреварот на ГРК Охрид од 1/4 финалето на ЕХФ Европскиот Куп со СФП Олимпијакос е во тек.
Билетите за натпреварот во „Билјанини извори“ се пуштени во продажба онлајн“, информираат од клубот.
Од Охрид упатија и јасна порака до навивачите – салата треба да биде нивното најсилно оружје.
„Бидете осми играч на екипата и дел од овој спектакл!“, порачуваат од клубот.
Се очекува „Билјанини извори“ да биде исполнета до последно место и да создаде вистинска ракометна атмосфера за историски резултат на Охрид на европска сцена. Линк на кој можете да купите карта.
