Тоа што го најави Спортска Мрежа се потврдува, второигашот Вардарски од Богданци промовираше 12 играчи, а Спортска Мрежа вчера најави неколку од нив.
Се работи за Мирон Илиевски, Марко Ристов, Марко Софијановски, Даниел Васиќ, Алтин Нурединовски. Лука Јакимовски, Даријан Трајчов, Кристијан Димитров, Ахмед Домазет, Давид Ашовалиев, Филип Лазаревски и Бењамин Демир.
Дополнително клубот води преговори за уште неколку засилувања, трансфери кои треба да бидат потврдени до крајот на преодниот рок, односно до вторник на полноќ, кога ќе заврши зимскиот преоден рок.
Ставре Ташев ќе биде тренер на екипата, кој ќе има тешка задача да се избори за опстанок во Втората лига, што е главна цел на Вардарски.
Од есенскиот дел во тимот остануваат и Адам Стојанов, Кристијан Мингов, тука е и Ристе Миленковиќ, Ѓорѓе Карамитров, Андреј Дамчевски, Милош Спасовски, Филип Радевски, како што информира Богданцски Спорт.
Вардарски е на дното од табелата со 5 бодови и го очекува навистина тешка борба за опстанок, потребно ќе биде многу победи на 15-те пролетни натпревари.
Пролетниот дел Вардарски го отвара на Градскиот стадион во Богданци против Скопје.
