РепрезентацијаФудбалска репрезентација

Голема победа за Македонија над Ерменија со два гола и играч помалку!

Сподели
ФОТО: ФФМ
Сподели

Македонската фудбалска репрезентација триумфираше со 2:0 над Ерменија во вториот меч од новото издание од Лигата на нации со што се поправи впечатокот од првиот меч кога одигравме 1:1 со Фарски Острови.

Тешка, но голема победа за Македонија, која добива на тежина бидејќи од крајот на првиот дел Македонија играше со играч помалку на теренот, откако Зајков заработи втор жолт картон, а на стартот од мечот Чурлинов се повреди.

Во првиот дел немаше голови на Националната арена „Тодор Проески“ во Скопје, а Македонија во 70. минута го отвори резултатот со атрактивниот гол на Енис Барди директно од слободен удар, со што голманот на Ерменија само можеше да ја проследи топката како завршува зад него одново во мрежата на неговиот гол, без да може да реагира. Во 79. минута Бојан Миовски постигна гол по одличен дриблинг низ одбраната на Ерменија за 2:0, а воедно тоа беше и конечниот резултат.

Македонија сега е на првото место во својата група со четири бодови. Ерменија е втора со три бодови, колку што има и Латвија која е трета, а која пак со 1:0 славеше над Фарски Острови, додека пак токму оваа селекција која одигра 1:1 против Македонија е последна во групата со еден бод на своето конто.

Следуваат две гостувања за Македонија против Латвија и Ерменија. Против репрезентацијата на Латвија играме на 10. октомври, а три дена подоцна против Латвија. Во ноември Македонија ќе игра дома против Латвија и Фарски Острови.

Натпреварите со Ерменија како што рече и селекторот Благоја Милевски ќе решаваат за првото место во групата.

Александар Ванев, Спортска Мрежа

 

Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

РакометРакометна репрезентација

Натпреварот меѓу Словенија и Македонија ќе започне со едноминутно молчење

Ракометната репрезетанција на Македонија денес го игра вториот меч против Словенија од квалификациите за Европското првенство 2026 година, а за нашите ракометари тој...

Кошарка

Кошаркарската федерација на Македонија ги одложи сите натпревари за денес

Од Кошаркарската федерација на Македонија преку соопштение информираат дека се одложени сите натпревари од сениорски и младински лиги кои беа закажани за денес,...

Поврзани написи
ФудбалФудбалска репрезентација

Изгласан новиот состав на Управниот одбор на ФФМ

На Редовното Изборно Генерално Собрание на Фудбалската федерација на Македонија беше изгласан...

ФудбалФудбалска репрезентација

Масар Омерагиќ едногласно избран за претседател на ФФМ до 2029 година

Масар Омерагиќ беше единствен кандидат и едногласно и со акламација беше избран...

ФудбалФудбалска репрезентација

Футсал репрезентацијата на Македонија загуби од Андора

Футсал репрезентацијата на Македонија претрпе уште еден пораз во квалификациие за Европското...

error: Содржина е заштитена! Се забранува копирање на истата!