Третолигашот Слога Виница се одлучи за тренерска промена пред стартот на новата сезона во Третата македонска фудбалска лига – Исток, во која некогашниот второлигаш важи за главен кандидат за освојување на првото место и баражот за Втора лига.
Нов шеф на стручниот штаб на Слога Виница е штипјанецот Емил Грнев, кој доаѓа на местото на Крсте Крстев. Помошник на Грнев ќе му биде Бошко Ступиќ.
Клубот му се заблагодари на Крстев за досегашната соработка, посакувајќи му успех во понатамошната тренерска кариера.
Слога Виница во новата сезона влегува со една цел, а тоа е обезбедување на баражот за пласман во Втората лига.
Стартот на новата сезона е закажан на 15. септември, а во рамки на првото воведно коло Слога Виница ќе гостува во Берово кај Малеш.
Александар Ванев, Спортска Мрежа
