Македонскиот шампион Штип УГД, по завршувањето на своето премиерно учество во Лигата на шампионите, европската сезона ќе ја продолжи во ЦЕВ купот.
Според натпреварувачкиот распоред, штипјани се слободни во првото коло и имаат обезбедено директен пласман во главната рунда, каде ги очекува исклучително тежок предизвик – италијанскиот тим Пјаченца.
Првиот натпревар од двомечот ќе се одигра на домашен терен, во СРЦ „Џексон“ во Штип, на 9 декември со почеток од 19:00 часот.
Реваншот е закажан за 6 јануари 2027 година, со почеток од 18:00 часот, во салата „Палабанка спорт“ во Пјаченца, Италија.
Интересно е што Штип УГД втора година по ред ќе има европски натпреварувачки обврски за време на божиќните празници. И минатата сезона македонскиот шампион играше на Бадник, кога во рамките на ЦЕВ Челинџ купот се соочи со италијанскиот Алијанц Милано
