Победа Валандово со минимален триумф над Хоризонт Турново останува на врвот во од табелата во Третата лига – Регион 3. Каменица Саса остана на бод зад лидерот, Овче Поле со пресврт ги освои бодовите во Пирава, а гостински победи забележаа и Малеш и Брегалница Делчево.
Хоризонт Турново – Победа Валандово 0:1
Стојанчо Наков во 19. минута го постигна единствениот гол на натпреварот и ѝ донесе три бода на Победа. Валандовчани останаа непоразени и со седмата сезонска победа стигнаа до 23 бода, задржувајќи го првото место пред заостанатиот дуел со Малеш.
Карбинци – Каменица Саса 0:2
Саса го скрши отпорот на домаќините во второто полувреме. Јулијан Тоневски го отвори резултатот во 68. минута, а Филип Спенџарски во 83. ја потврди победата. Карбинци остана без бодови, додека Саса ја заврши есенската програма без пораз.
Ударник – Овче Поле 1:2
Илија Баламов во 36. минута го доведе Ударник во водство, но гостите направија пресврт по паузата. Трајче Илиев израмни во 70. минута, а Давид Велковски во 88. го постигна победничкиот гол. Овче Поле ја забележа третата последователна победа и стигна до 18 бода.
Слога 1934 – Малеш 1:3
Александар Мишовски во 5. минута го доведе Малеш во водство, а Александар Илиев во 41. израмни за Слога. Марјанчо Пачарски во 54. повторно ги доведе беровчани во предност, пред Тони Мичковски во 83. минута да ги постави конечните 1:3.
Дојранско Езеро – Брегалница Делчево 1:2
Јован Дојчинов погоди уште во 1. минута и ѝ донесе водство на Брегалница. Лазар Дучков израмни во 50., а Марио Атанасовски во 69. минута го реши натпреварот во корист на гостите од Делчево. Брегалница со победата се израмни со Дојранско Езеро на десет бода.
Победа Валандово води со 23 бода од девет натпревари, еден повеќе од Каменица Саса, која ги одигра сите десет есенски средби. Валандовчани веќе го обезбедија првото место за зимската пауза, а со победа над Малеш можат да ја зголемат предноста на четири бода.
Академија Огражден, која беше слободна во ова коло, има 19 бода. Овче Поле и Малеш имаат по 18, но беровчани со победа во заостанатиот натпревар можат да се искачат на третото место со 21 бод.
Есенската полусезона ќе биде затворена на 29 ноември, со одложениот натпревар од 5. коло меѓу Победа Валандово и Малеш.
Табела по 11. коло
| Поз. | Екипа | Мечеви | Голови | Бодови |
|---|---|---|---|---|
| 1 | Победа Валандово | 9 | 17:3 | 23 |
| 2 | Каменица Саса | 10 | 26:8 | 22 |
| 3 | Академија Огражден | 10 | 11:10 | 19 |
| 4 | Овче Поле | 10 | 26:12 | 18 |
| 5 | Малеш | 9 | 18:9 | 18 |
| 6 | Хоризонт Турново | 10 | 15:15 | 13 |
| 7 | Ударник | 10 | 15:15 | 11 |
| 8 | Дојранско Езеро | 10 | 15:18 | 10 |
| 9 | Брегалница Делчево | 10 | 14:30 | 10 |
| 10 | Слога 1934 | 10 | 7:18 | 5 |
| 11 | Карбинци | 10 | 7:33 | 0 |
| 12 | Тиверија | 0 | 0:0 | −6 |