Ракомет

Охриѓани со густ распоред во ноември: Пет натпревари, европски двомеч и големо дерби во Битола!

Сподели
ФОТО: РК Еурофарм Пелистер
Сподели

Ракометарите на ГРК Охрид ги очекува исклучително  напорен ноември, во кој ќе мора да одговорат на предизвиците на два фронта. Тимот на Борис Ројевиќ ќе одигра пет натпревари, три во домашното првенство и два на европската сцена, а распоредот носи серија важни пресметки во борбата за остварување на сезонските амбиции.

Ноемвриската програма започнува на 13 ноември, кога охриѓани пред својата публика во салата „Билјанини извори“ ќе го пречекаат Младост Богданци во натпревар од 10. коло во Супер лигата. Четири дена подоцна, на 17 ноември, „гладијаторите“ ги очекува гостување во Кавадарци против Тиквеш, во рамките на 11. првенствено коло.

Потоа следува европскиот предизвик. На 21 и 22 ноември, Охрид ќе се соочи со литванскиот Драгунас Клаипеда во двомечот од третото коло на ЕХФ Европскиот Куп. Двете средби ќе се одиграат во „Билјанини извори“, па охриѓани ќе имаат предност на домашниот терен и поддршката од своите навивачи во обидот да обезбедат место во следната фаза од натпреварувањето.

ФОТО: ГРК Охрид

Ноемврискиот распоред ќе биде заокружен со големо дерби. Имено, на 28 или 29 ноември, во Битола, Охрид ќе му гостува на Еурофарм Пелистер во натпревар од 12. коло на Супер лигата.

Пред охриѓани е месец исполнет со важни натпревари, во кој секој бод и секоја победа ќе имаат големо значење. Европските амбиции, првенствените предизвици и гостувањето во Битола го прават ноември еден од најинтензивните периоди за избраниците на Ројевиќ.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Трета лигаФудбал

Победа Валандово остана на врвот, Овче Поле со пресврт, Брегалница Делчево славеше во Дојран, Каменица Саса со сигурен триумф над „фенерџијата“

Победа Валандово со минимален триумф над Хоризонт Турново останува на врвот во од табелата во Третата лига – Регион 3. Каменица Саса остана...

Втора лигаФудбал

Голем триумф за Камјани, дебитантот во финишот ги освои бодовите против Еуромилк и изби на четвртото место

Во судиското продолжение Камјани стигна до триумф над Еуромилк ГЛ и изби на четвртото место со што се комплетира 12. коло на Втората...

Поврзани написи
Ракомет

Паунков: Победата над Струга ќе ни биде ветер во грб, нашата цел е сигурен опстанок

Синоќешната победа на Младост над Струга е силен ветер во грб за...

Ракомет

Лукиќ: Конечно ја пробивме таа психолошка бариера, победата ќе биде ветер во грб и за останатите натпревари

Младост конечно ја израдува верната публика откако во салата „Млаз“ ја доби...

Ракомет

Андоновски: Конечно успеавме да стигнеме до таа толку посакувана победа, како што бевме и ќе останеме сложни

Младост стигна до својата прва сезонска победа, откако на домашен терен славеше...

Ракомет

Зечевиќ: Покажавме карактер и стигнавме до плус 11 пред реваншот!

ГРК Охрид ја отвори вратата кон следната фаза од ЕХФ Европскиот Куп...

✕
error: Содржина е заштитена! Се забранува копирање на истата!