Денес започнува првото издание на женскиот фудбалски турнир Ohrid Women’s Cup кој е наменет за генерации од 2012 до 2015.
Целта на турнирот е промоција на женскиот фудбал, селектирање на фудбалери и шанса на многу девојки кои сакаат да започнат со тренирање фудбал и да станат дел од клуб.
На турнирот ќе настапат шест екипи – Тиверија Брера, Атлетико, Ускана, Галактикос, Билјанини Извори и Серта.
Преку 100 фудбалери ќе бидат два дена во Охрид каде покрај натпреварите ќе имаат и дружба, забава и убави моменти од градот покрај езерото.
Првите натпревари започнуваат во 16 часот кога ќе биде отворен турнирот со мечевите од групата фаза. За недела од 9 часот е предвидено да се игра натпреварот за петтото место, а потоа да се играат полуфиналните натпревари, мечот за трето место и големото финале.
Секоја фудбалерка ќе добие медал, а екипите кои ќе завршат на прво, второ и трето место пехари. Ќе има награди за најдобар голман, најдобар играч, а ќе има и неколку изненадувања.
