Второлигашот Кожуф има ново засилување, се работи за повратникот Дарко Грозданоски, кој одново ќе го носе дресот на тимот од Гевгелија.
27-годишниот фудбалер доаѓа во добро позната средина откако претходно настапуваше за Кожуф со што би требало лесно да се прилагоди на новата средина.
Грозданоски во Кожуф доаѓа од романскиот второлигаш Мусчелул Кампулунг, а претходно беше дел од италијански клуб Олимпија Агнонезе, во македонскиот шампионат настапуваше за Воска Спорт, Кожуф, Победа од Прилеп, Беласица, Вардар, Силекс, Тиквеш, во Црна Гора го носеше дресот на Грбаљ, а во Србија настапуваше за екипата на Прва Искра, а има настапи и за младинскиот тим на Црвена Ѕвезда.
Кожуф добива проверен голгетер во нападот, бидејќи Грозданоски во есенскиот дел од сезона 2024/2025 беше најдобар стрелец за тимот од Гевгелија со седум погодоци, од каде се пресели во екс прволигашот Воска Спорт од Охрид.
Според информациите на Спортска Мрежа, Грозданоски веќе е регистриран во тимот на Кожуф и се очекува веќе денес против неговиот поранешен клуб Беласица да го има своето деби, во рамките на 4. коло на Втората лига.
