Алкалоид стигна до првата победа во Регионалната лига на импресивен начин. Поразот од Партизан е веќе зад скопјани, кои вечерва во Автокоманда го декласираа Ловќен со неверојатни 55-37.
Момците на Кирил Лазаров одиграа ефикасно од самиот почеток и практично го реши победникот уште во првото полувреме. На пауза Алкалоид имаше девет гола предност, 29-20, а во продолжението само ја зголеми разликата.
Со 55 постигнати погодоци, Алкалоид стана првиот тим во Регионалната лига кој ја надмина границата од 50 гола на еден натпревар. Особено впечатливо е што дури 12 ракометари на домаќинот се запишаа во листата на стрелците.
Борзаш беше најефикасен со осум гола, додека Цехте, Ѓорговски и Петковски постигнаа по седум. Кај Ловќен, Мрваљевиќ заврши со седум погодоци.
За Алкалоид ова е прва победа во регионалното натпреварување, а по убедливото издание во Автокоманда, тимот на Лазаров испрати сериозна порака за продолжението на сезоната.
