Фудбалскиот клуб Тиквеш продолжува со реализација на својата стратегија за развој и промоција на млади фудбалери. Кавадаречкиот прволигаш го официјализираше ангажманот на млад стопер и репрезентативец на Македонија до 21 година.
Станува збор за фудбалер кој важи за перспективен дефанзивец и во Тиквеш треба да претставува засилување за одбранбената линија, но и инвестиција за иднината на клубот.
Од Тиквеш потенцираат дека продолжуваат да веруваат во младите играчи и да создаваат услови за нивен развој.
„Продолжуваме со нашата визија — да веруваме во младоста, да инвестираме во потенцијалот и да ја градиме иднината на Тиквеш. За нас, младите не се само иднината. Тие се сегашноста во која инвестираме“, порачаа од клубот.
Со овој трансфер, Тиквеш уште еднаш покажува дека фокусот е ставен на создавање конкурентен тим, но и на долгорочна работа со млади и перспективни македонски фудбалери.
