Еурофарм Пелистер во понеделник ќе го одигра третиот натпревар во Регионалната лига, а по двете победи на стартот, битолчани ќе имаат можност да го задржат максималниот ефект. Во салата „Боро Чурлевски“ гостува Дубочица, воедно последниот домашен натпревар на пелистерци во овој мини-серијал пред почетокот на македонската Супер лига.
Избраниците на Лино Червар досега беа подобри од Партизан и Ловќен, па со две победи го зазедоа врвот и ја потврдија одличната форма во подготвителниот период. Сега пред нив е нова проверка против српскиот претставник Дубочица.
Натпреварот ќе се одигра на 31 август од 18:00 часот во салата „Боро Чурлевски“. Од клубот ги повикуваат навивачите повторно да бидат дел од трибините и да му дадат поддршка на тимот во обидот да продолжи со победничкиот ритам.
Еурофарм Пелистер и Дубочица ќе се соочат во понеделник од 18:00 часот, а битолчани ќе атакуваат на третата последователна победа во Регионалната лига.
