РК Алкалоид продолжува со натпреварите во Регионалната лига, а по дуелот со Партизан, скопскиот тим повторно ќе игра пред своите навивачи. Во третото коло во Автокоманда пристигнува црногорскиот претставник Ловќен.
Средбата е закажана за петок, 28 август, со почеток во 19:00 часот. Алкалоид ќе има можност на домашен терен да стигне до позитивен резултат против црногорскиот тим и да запише важни бодови во регионалното натпреварување.
Од клубот ги повикаа љубителите на ракометот да бидат поддршка за тимот од трибините, а влезот за натпреварот ќе биде слободен.
Дуелот со Ловќен ќе биде нова можност за избраниците на Кирил Лазаров да покажат квалитетна игра и да се изборат за првата победа во Регионалната лига.
