Македонскиот футсал шампион Проект вечерва го започнува својот европски предизвик во претквалификациите за Лигата на шампионите. Тимот од Македонија од 20:00 часот ќе се соочи со домаќинот на групата, Атлетик Футсал Клуб Грац, во салата Bluebox Arena во Грац, Австрија.
Проект во Австрија пристигна со позитивна атмосфера и големи амбиции, по фантастичната сезона 2025/2026 во која ја освои двојната круна во македонскиот футсал, а првенството го заврши без пораз и без реми, со максимален ефект.
Подготовките пред европскиот предизвик беа искористени за проверка на формата и тестирање на различни тактички замисли и комбинации. Македонскиот шампион одигра контролни натпревари со Дреница, двапати со бугарскиот шампион Амиго Нортвест, а во последната проверка со убедливи 7:0 го совлада Пирот.
- Подготвени за првиот европски предизвик
Проект синоќа го одработи првиот тренинг во Bluebox Arena, каде што вечерва ќе се одигра натпреварот со Грац.
Утрово македонскиот шампион го одработи и последниот тренинг пред вечерашниот дуел, по што сите мисли се насочени кон првиот европски натпревар.
Сите играчи се подготвени за настап, во тимот владее позитивна атмосфера, а стручниот штаб на располагање ги има сите играчи за важниот старт на турнирот.
- Проект – Грац, 20:00 часот
Прв европски тест, противник е домаќинот и првиот чекор кон остварување на големата цел.
- Ќе има и пренос во живо!
За сите оние кои нема да бидат во Грац, ќе има можност за следење на натпреварот во живо.
Линкот за пренос ќе биде споделен еден час пред почетокот на натпреварот.
Спортска Мрежа ексклузивно, како единствен медиум од Македонија, ќе известува од Австрија и ќе ги следи сите натпревари на Проект во претквалификациите за Лигата на шампионите.
📅 Следните два меча на Проект:
🇸🇮 27 август, 17:30 часот
Проект – Врхника
🇮🇱 29 август, 17:30 часот
Макаби Нетанја – Проект
Но, прво – Грац! Вечерва од 20:00 часот македонскиот шампион ја отвора европската приказна.
