Дванаесеттата рунда на Првата македонска фудбалска лига ќе се одигра во два дена со два натпревари во недела и три во понеделник.
Колото ќе се отвори на Чаир со дуелот меѓу Шкендија Арачиново и Тиквеш, кој стартува во 12 часот, а во 14:30 часот во Штип ќе се игра мечот меѓу Брегалница и Шкендија.
Во понеделник од 12 часот на „Железарница“ во Автокоманда ќе се соочат Скопје и Силекс, а пак во 14 часот ќе стартуваат два натпревари. Во Куманово соочување на Башкими и Арсими и дербито на колото меѓу шампионот Вардар и поранешниот шампион Струга Трим Лум.
