Ракометарите на Алкалоид денеска ја започнуваат новата сезона со натпревар против Партизан во рамките на Регионалната лига.
Вечерва, македонскиот претставник го очекува дуел на домашен терен, во салата во Автокоманда, каде што од 19:00 часот ќе се соочи со српскиот тим. Алкалоид со амбиции влегува во новото регионално натпреварување, а првиот натпревар ќе биде можност тимот да го покаже својот потенцијал уште на стартот.
Средбата ќе може да се следи на директен пренос на Арена Спорт МК, како и преку достапниот онлајн пренос.
Момците на Лазаров, со овој натпревар ја отвораат својата сезона во Регионалната лига, во која секој бод може да биде од големо значење во продолжението од натпреварувањето.
