Македонскиот футсал шампион Проект веќе е во Грац, Австрија, каде што ќе го претставува македонскиот футсал во претквалификациите за Лигата на шампионите.
За сите навивачи кои сакаат да го следат настапот на Проект, ги издвојуваме точниот распоред, термините и салата во која ќе се играат натпреварите.
Сите три натпревари на македонскиот шампион ќе се одиграат во Bluebox Arena во Грац.
- Распоред на натпреварите:
📅 26 август – 20:00 часот
🇲🇰 Проект – Грац 🇦🇹
📅 27 август – 17:30 часот
🇲🇰 Проект – Силико 🇸🇮
📅 29 август – 17:30 часот
🇮🇱 Нетанја – Проект 🇲🇰
Турнирот ќе се игра од 26 до 29 август, а Проект ќе има три натпревари во рамки на групата А.
По фантастичната сезона 2025/2026, во која Проект ја освои двојната круна во македонскиот футсал и првенството го заврши без пораз и со максимален ефект, сега следува големиот европски предизвик.
Подготовките беа искористени за проверка на формата и тестирање на различни комбинации. Проект одигра контролни натпревари со Дреница, двапати со бугарскиот шампион Амиго Нортвест, а во последната проверка убедливо го совлада српски Пирот со 7:0.
Сега македонскиот шампион е во Грац и го очекуваат три европски натпревари.
