Кошаркарскиот клуб Соколи 1993 од Штип и официјално ќе биде дел од највисокиот ранг на македонската кошарка во сезоната 2026/27.
По разгледувањето на пристигнатите пријави и целокупната документација, Комисијата за лиценцирање при Кошаркарската федерација на Македонија утврди дека штипскиот клуб ги исполнува сите потребни услови за пополнување на слободното место во Суперлигата.
За местото конкурираа три клубови, но правото за настап во елитното друштво го доби Соколи 1993, кој во новата сезона ќе се натпреварува со најдобрите македонски екипи.
Ова претставува големо признание за досегашната работа на клубот, но и потврда за сериозните амбиции и јасната визија за иднината.
Со силен тим, големи амбиции и поддршка од верните штипски навивачи, Соколи 1993 го очекува нов предизвик во македонската кошаркарска елита. Штип повторно ќе живее за кошарката!
