Дарко Ѓукиќ останува дел од Охрид и во новата сезона, со што паднаа во вода најавите за негово можно заминување од клубот и трансфер во Партизан. Искусното крило ќе продолжи да го носи дресот на охриѓани и ќе биде на располагање на тренерот Борис Ројевиќ и во сезоната која следува.
Ѓукиќ минатата сезона имаше значајна улога во составот на Охрид, со важни погодоци во битката за третото место во Супер лигата, но и во историскиот европски успех и освојувањето на ЕХФ Европскиот куп.
Охриѓани, пак, во подготовките за новата сезона веќе испратија сериозна порака. Тимот на Ројевиќ ги освои турнирите во Струга и на петтото издание на „Крсте Андоновски“, при што двапати славеше против Вардар.
