Мулти Есенс успеа да стигне до победа над Младост 1977 со 30-29 во исклучително неизвесен натпревар, во кој богданчани до самиот финиш се бореа за големо изненадување.
Младост одигра одлично и не дозволи противникот лесно да ја реши средбата. Сепак, Мулти Есенс успеа да ја сочува предноста во клучните моменти и да го затвори натпреварот со минимална победа.
Најзаслужен за триумфот на Мулти Есенс беше Горазд Дамчевски, кој постигна осум гола и беше најголемата опасност за одбраната на Младост. Христијан Ѓурмишевиќ додаде пет, а Давид Трајковски четири погодоци.
Кај Младост 1977, повторно блескаше Владимир Бојаниќ, кој беше убедливо најефикасен со девет гола. Теодор Узунчев постигна седум, додека Ахмед Мајдоуб придонесе со пет погодоци. Нивниот учинок, сепак, не беше доволен богданчани да стигнат до пресврт.
Со оваа победа, Мулти Есенс обезбеди место во натпреварот за бронзениот медал, додека Младост 1977 ќе разигрува за петтото место.
