Заврши првата етапа во Втората женска фудбалска лига, дебитантот Ржаничино е есенски шампион со максимални седум победи од толку натпревари.
Тимот во последното есенско коло славеше во дербито на последната есенска рунда со 0:2 над ланскиот прволигаш Топ Гол во Битола, благодарение на Миа Закев која беше двоен стрелец.
Билјанини Извори заврши на второто место на табелата откако на последниот есенски меч со 0:5 славеше над Топ Грлс во охридско соочување. Викторија Стојаноска постигна хет-трик, а два гола беа дело на Викторија Лазова.
Менада на домашен терен броеше до осум гола во убедливата победа над Плачковица (8:0). Дајана Ристовска постигна три гола, Ева Андонова и Нина Алексовска по два гола, а еден гол беше дело на Елена Петровска.
Неизвесен меч се одигра во Валандово каде Победа и Башкими ги поделија бодовите откако одиграа 1:1. По чистите мрежи во првиот дел, во второто полувреме беа постигнати двата гола.
Анастасија Ристова во 79. минута погоди за водство од 1:0, а во 88. минута Рона Камери погоди за конечни 1:1.
Ржаничино ќе презими како први со максимални 21 бод, втора е екипата на Билјанини Извори со 18 бодови, а пак Топ Гол е на третото место со 15 бодови.
Башкими заврши на четвртото место, што е одлична дебитантска сезона за тимот од Куманово со десет бодови, а пак Менада на петтото место со девет бодови.
Победа Валандово е седма и има седум бодови, Топ Грлс е претпоследен односно седум со еден бод и на дното е Плачковица со минус два бода.
