Ракометниот клуб Бутел Скопје продолжува да инвестира во младите таленти, а најнови членови на тимот се Давид Аврамовски и Тома Симоновски, кои официјално ги ставија своите потписи на договори со скопскиот клуб.
Осумнаесетгодишниот Давид Аврамовски пристигнува од редовите на Аеродром, додека неговиот врсник Тома Симоновски, кој е и кадетски репрезентативец на Македонија, доаѓа од екипата на Мулти Есенс.
Од Бутел Скопје информираат дека двајцата млади ракометари потпишаа договори со важност од две сезони и ќе останат дел од клубот најмалку до летото 2028 година.
Со ангажманот на Аврамовски и Симоновски, Бутел Скопје јасно покажува дека покрај резултатските амбиции, сериозно работи и на создавање квалитетен тим за иднината, потпирајќи се на перспективни македонски ракометари.
Во новата сезона скопскиот состав ќе биде предводен од Стојанче Стоилов, со цел повторно да биде меѓу најконкурентните екипи во македонскиот ракомет.
