Амбициозниот Илинден кој гради ростер за влез во Втората македонска фудбалска лига промовираше четири нови засилување – се работи за Давид Ристовски, Кристијан Ристовски, Кристијан Ивановски и Матеј Божиновски.
Давид Ристовски кој има 24 години доаѓа од редовите на БВК Коњаре, се работи за офанзивен играч за врска, а низ неговата кариера беше дел од Осогово, Слога Виница, Кожуф, Кадино, Македонија ЃП и Вардар од каде и ја започна кариерата.
29-годишниот Кристијан Ристовски исто така пристига од БВК Коњаре, станува збор за искусен фудбалер кој игра на позицијата заден играч за врска. Низ кариерата беше дел од Осогово, Слога Виница, Скопје, Кадино, Тетекс, Гостивар и Металург од каде и ја започна кариерата.
Кристијан Ивановски кој има 27 години пристига од Кадино, настапува на крилните позиции, а располага со извонредна брзина, одлична техничка и способност да создава и реализира шанси. Покрај за Кадино, настапуваше и за Куманово, Беса од Добри Дол, Локомотива, Борец и Македонија ЃП.
Во Илинден носи прволигашко и второлигашко искуство, а во сезона 2021/2022 со Македонија ЃП го освои Купот на Македонија.
22-годишниот Матеј Божиновски доаѓа од прволигашот Силекс, се работи за фудбалер кој игра на крилните позиции, а неговите најголеми адути се брзината, одличната реализација и сигурната игра со левата нога. Пред Силекс, настапуваше за Куманово, Јуниор од Доброшане и Куманово Еуроспорт од каде и ја започна кариерата.
Претходно, Илинден се засили со искусниот Дарио Десниќ за што Спортска Мрежа информираше претходно.
