22-годишниот централен напаѓач Аљбан Мемеди се раздели со штипска Брегалница, а со тоа ќе има нов клуб за следната сезона.
Фудбалерот кој зимава пристигна во Брегалница стана шампион со „сините“ во Втора лига и обезбеди влез во Првата македонска фудбалска лига со штипјани.
Низ неговата кариера го носеше дресот покрај за Брегалница и на Кожуф, Башкими, Воска Спорт, Детонит Плачковица, Шкендија, Милано од Куманово, а меѓународна кариера градеше во Косово, настапувајќи за екипата на Лирија.
Мемеди веќе се става на радарот на неколку екипи и во следниот период ќе биде познато каде ќе ја продолжи кариерата.
