Младите македонски атлетичари забележаа успешен настап на Балканското првенство за младинци до 18 години, кое се одржа во Ново Место, Словенија, каде ја претставуваа Македонија во конкуренција на најдобрите таленти од регионот.
Најзабележителен резултат од македонскиот тим оствари Тамара Атанасовска, која на трката на 100 метри го подобри својот личен рекорд. Таа ја истрча дисциплината со време од 12.75 секунди и заврши на 17. место во конкуренција на 21 натпреварувачка.
На 100 метри настапи и Ева Митевска, која оствари време од 12.67 секунди и го освои 14. место од 21 учесничка.
Во трката на 400 метри, Марта Димковска го заврши настапот со време од 59.66 секунди, што беше доволно за 10. позиција од 13 натпреварувачки.
Кај машките, Димитар Корчаковски настапи на 100 метри и оствари време од 11.29 секунди, завршувајќи на 15. место во конкуренција на 18 атлетичари.
Македонската репрезентација на ова значајно натпреварување беше предводена од тренерката Божурка Ѓошевска.
Од Атлетска федерација на Македонија упатија честитки до младите репрезентативци и нивната тренерка за успешниот настап, посакувајќи им уште многу лични рекорди и нови успеси на следните меѓународни натпреварувања.
