Најдобриот македонски фудбалски судија, Александар Ставрев, денес ја заврши својата богата судиска кариера.
Денешниот натпревар меѓу Пелистер и Беса, кој се одигра во Битола, беше неговиот последен натпревар како главен судија во Првата македонска фудбалска лига.
Ставрев има голема кариера зад себе, постојано судеше натпревари во Лигата на шампионите, Лигата на Европа, но бројни други европски натпревари.
47-годишниот Ставрев е голем пример за професионалец како меѓународен судија. Денес покрај Ставрев, во судиска пензија заминува и Дејан Костадинов, за кого исто така денешниот меч му беше последен.
Пред почетокот на натпреварот во Битола, претседателот на ФК Пелистер, Митко Стојковски, изрази благодарност и им подари пригодни подароци на Ставрев и Костадинов за нивниот долгогодишен и значаен придонес за македонскиот фудбал.
Натпреварот меѓу Пелистер и Беса заврши со триумф на битолчани од минимални 1:0.
