Клубовите кои настапуваат во Третата македонска фудбалска лига – Исток се обврзани, согласно одлуката на комисијата за натпреварување, да го истакнуваат државното знаме на Република Македонија на сите свои натпревари. Оваа мерка беше воведена минатата сезона и продолжува да се применува и во тековната сезона.
На стадионите каде се одигруваат натпревари во Третата лига – Исток, вклучувајќи ги оние во Дојран, Пирава, Турново, Струмица, Свети Николе, Карбинци, Зрновци, Делчево, Берово и Виница, задолжително се истакнува знамето на Македонија.
Минатата сезона, на фудбалските клубови Дојранско Езеро и Тиверија им беше изречена дисциплинска мерка опомена, бидејќи не го истакнале државното знаме на Македонија на домашните натпревари од 11. коло.
Секој клуб кој ќе го прекрши ова правило односно нема да го истакне знамето на Република Македонија на својот натпревар односно на стадионот ќе биде казнет со парична санкција.
