Екипата на Кеги Моби стигна до првата сезонска радост во Првата футсал лига, откако во рамки на осмата рунда со 5:1 го декласираше тимот на Железарец.
Со овој прв триумф екипата на Кеги Моби направи скок од две места и го напушти дното, но и опасната зона за испаѓање во Втора лига, со тоа што сега е на осмото место со пет бодови на своето конто, а пак Железарец е на деветтото емсто со девет бодови.
Гостинскиот тим по само две минути игра дојде до водство преку Драган Брњарчевски, а потоа Марио Атанасовски со два погодоци направи комплетен пресврт за 2:1 на полувреме.
Во вториот дел домашнио тим беше подобар и успеа да постигна уште три погодоци преку Ристовски, Стојковски и Адиловиќ за конечни 5:1.
Утре Осогово ќе игра на домашен терен во Крива Паланка против Шкупи, додека пак останува во нов термин да се одигра дербито меѓу Форца и Проект, кое беше одложено поради немањето на услови во салата, откако истата протече поради обилните врнежи, за што веќе информираше Спортска Мрежа.
