Младинската екипа на АП Брера Струмица игра сезона за паметење, откако на 6 кола до крајот на првенството се наоѓа на врвот на табелата без ниту еден пораз.
Избраниците на тренерот Ѓорѓе Стојчев се единствени во лигата кои немаат загубен натпревар, со само едно реми против екипата на Охрид. Со тоа, младите струмичани се на чекор до шампионската титула и потенцијална промоција на генерација која ветува голема иднина.
Брера моментално има убедлива предност пред Вардар, од кој бега дури 11 бодови, а впечатлива е и гол-разликата од +113, со 126 постигнати и само 14 примени голови, што ја прави најдобра одбрана во лигата.
Посебно се издвојува и напаѓачкиот лидер Иван Шириќ, кој е најдобар стрелец во првенството со 32 погодоци и е еден од клучните играчи во оваа успешна сезона.
ГОЛЕМ ИНТЕРЕС ЗА ОХРИД КУП 2026 – ПРИЈАВИТЕ СЕ ОТВОРЕНИ ЗА НОВИОТ ДЕТСКИ ФУДБАЛСКИ СПЕКТАКЛ
Дополнителен успех за оваа генерација е и пласманот во полуфиналето од Купот на Македонија, што уште еднаш ја потврдува нивната квалитетна форма и континуитет.
Станува збор за една силна и перспективна генерација која под водство на Стојчев чекори кон голем успех и остава впечаток дека пред неа е светла иднина во македонскиот фудбал.
