Познати се судиите кои ќе ја делат правдата на натпреварите од 17. коло во Втората македонска фудбалска лига.
Во Радовиш каде ќе се соочат Детонит Плачковица и Тетекс правдата ќе ја дели Кирил Смоквоски а ќе му помагаат Борис Трајков и Дино Конески. Четврт судија ќе биде Влатко Илиоски. Делегат на натпреварот ќе биде Трајче Шопов, а пак контролор ќе биде Злате Лозаноски.
Дербито од дното меѓу Големо Коњари и Слога Виница ќе го суди Дарко Котевски, а негови помошници ќе бидат Дарко Василевски и Јовче Кокевски. За четврт судија е делегиран Владимир Ѓорѓиевски. Цветко Костовски е делегат на средбата, а контролор ќе биде Никола Божиновски.
Дербито во Автокоманда меѓу Скопје и Беласица ќе го суди Ндерим Тефику. Помошници на „Железарница“ ќе бидат Мартин Петковски и Станко Митровиќ, додека пак четврт судија е Никола Петковски. Делегат на средбата ќе биде Зоран Гелов, а контролор Златко Неделкоски.
Големото дерби на „Билјанини Извори“ меѓу Охрид и Шкендија Арачиново го доби Стојанче Трпчевски, а негови асистенти ќе бидат Тоше Ицев и Драган Трпчевски. За четврт судија е одреден Боби Величков. Славе Ѓоргоски ќе биде делегат, а пак контролор ќе биде Џенан Хајдари. Комесар за безбедност ќе биде Зоран Саздов.
Во Ресен се игра мечот меѓу Преспа и Осогово каде правдата ќе ја дели Јордан Јовановски, а негови асистенти ќе бидат Давор Дишлиевски и Душков Панов, додека четврт судија ќе биде Блаже Петковски. Делегат на средбата е Аки Шукрија, а контролор Марјан Ецкоски.
Каменица Саса на домашен терен има идеална шанса за триумф против Победа, а за правдата ќе биде задолжен Пларент Салихи додека пак негови асистенти ќе бидат Хабиљ Љиворека и Цветанка Савеска, а за четврт судија е одреден Бардхиљ Ибраими. Ангел Ташев ќе биде делегат, а контролор ќе биде Орце Стефановски.
Новаци во рамки на 17. коло ќе биде домаќин на Кожуф, а за правдата ќе се погрижи Димитар Левески ќе му помагаат Стефан Петрушевски и Марио Мојсоски. За четврт судија е одреден Ангелчо Ристов. Делегат на средбата ќе биде Харун Исмаили, а контролор ќе биде Љубе Ристевски.
Натпреварот во Штип меѓу Брегалница и Вардар Неготино ќе го суди Борче Павловиќ, а ќе му асистираат Иван Ивановиќ и Филип Николов. Четврт судија на средбата ќе биде Дејан Младеновски. Деан Марковски ќе биде делегат, а контролор ќе биде Зоранчо Темелков.
Сите натпревари започнуваат во 14 часот.
