Футсал натпревар или ракометен натпревар сензација во Прилеп каде Победа со 23:4 го декласираше ланскиот прволигаш Карадаку во меч на тотална доминација на прилепчани.
Андреј Јолески постигна фантастични шест гола, Стефан Пиркоски постигнат пет гола, по три гола постигнаа Илија Ристески и Никола Трајкоски, по два гола постигнаа Нермин Каришик и Кристи Крајоски, а по еден гол постигнаа Ангел Барлески и Андреј Паскоски.
За гостинот двојни стрелци беа Омер Саќипи во првиот дел и Аки Шукрија во вториот дел од мечот.
Мал Ајакс во Штип со 7:2 го декласираше Кратово во натпревар каде Стојановски си постигна автогол, а за штипјани стрелци беа Синанов со два гола, Думишов со хет-трик и Белчовски со еден гол, додека пак за гостинот Ефремов и Начковски беа стрелци.
Како што веќе објави Спортска Мрежа ССК Скопје на домашен терен загуби со 3:6 од Балкан, а два натпревари не се одиграа.
Како што објавивме Конзули наместо во Битола како домаќин играше во Свети Николе против Овче Поле кој беше формален гостин, но Конзули во сала се појави со тројца играчи, а ниту мечот во Дебар не се одигра каде Кораби го чекаше Партизан Југ Брвеница, каде гостинот дојде до само два играчи. Повеќе од комични ситуации во Втората футсал лига, извештајот од воведните натпревари на Спортска Мрежа можете да го прочитате овде.
Колото ќе се комплетира вечерва во Струга со мечот меѓу Енхалон и СЕЕ Университи, меч кој започна во овие моменто односно во 19:15 часот.
