Убедливи победи за Љуботен и Каменица Саса, Истатов ја продолжува победничката серија!

Дербито меѓу Љуботен и Тиверија Брера не се игра во сјајот од минатата сезона, шампионот стигна до лесна победа од 4:0 на домашен терен и речиси сигурно оди кон одбрана на титулата.

Тетовскиот тим нема конкрент како тргнало во новата сезона и лесно ќе стигне до својата петта титула во клупската историја.

Победникот беше решен уште во првиот дел, а голеадата започна преку Хава Мустафа во 2. минута од мечот, во 40. минута Меланија Грозданова постигна гол за 2:0, а во 45. минута од белата точка капитенката Александра Марковска погоди за 3:0.

Во вториот дел интернационалката од Нигерија, Мариан Огочукву Охадиве ги постави конечните 4:0 во 72. минута од средбата.

Лото победа за Скопје од 0:7 над Вардар на „Цементарница 55“. Разликата во квалитет го направи гостинот апсолутен фаворит кој лесно дојде до убедлива победа.

Рабија Дервиши беше во полн елемент и расположена за погодоци, па погоди четири пати, по еден гол постигнаа Сара Ефтинџиоска и Јована Каралиоска, а пак Александра Јовановска си постигна автогол.

Истатов ја продолжува својата победничка низа откако на домашен терен славеше висока победа од 3:0 над Топ Гол од Битола.

По само десет минути игра Радица Чонева го отвори резултатот за водство на домашниот тим, а на полувреме Истатов имаше 1:0 предност.

Во второто полувреме Тамара Давчева во 61. минута си постигна автогол, а веќе во 65. минута резултатот беше 3:0 за домашниот тим откако погоди Андреа Коловска.

Кочану доживеа нов висока пораз на гостување во Македонска Каменица, каде домаќинот Каменица Саса со 8:0 извојува висока победа над „фенерџијата“.

Капитенката Ана Димитровска беше стрелец на четири погодоци, Бразилката Туане Де Соуза Фрагосо постигна два гола, а по еден гол постигнаа Антонина Шопска и Христина Јованоска.

Колото ќе се затвори на 2 октомври со натпреварот во Струга меѓу Ас Јунајтед и Речица.