Младост од Богданци го доби дербито со Вардар Неготино со резултат од 31:28 во рамки на 3. коло од Првата ракометна лига, тренерот на Младост, Горан Андоновски во изјава за Спортска Мрежа истакна дека потполно заслужено го добиле мечот.
Како што вели стратегот од Охрид, уверен е дека после победата на Вардар од Неготино ќе имаат уште подобри натпревари во Првата лига.
„Прв дерби натпревар за нас на домашен терен и нормално дека важноста на натпреварот придонесе да играме во мал грч на почетокот на натпреварот, меѓутоа на крајот на прво полувреме направивме разлика со 16:12. Мислам дека потполно заслужено го добивме натпреварот бидејќи во 45 минути после 15-тата минута ние бевме во предност и дека победата не дојде во прашање. Уверен сум и сигурен сум дека после ова победа ќе имаме уште подобри натпревари во Првата лига“, изјави тренерот Горан Андоновски во изјава за Спортска Мрежа.
Во следното коло Младост ќе гостува кај Македонија ЃП.
