И денес се зборува за тоа што вчера се случи на натпревароте од 6. коло во Гевгелија меѓу Кожуф и Скопје, а резултатот беше 1:1 и поделба на бодовите.
Тренерот на Кожуф, Иван Варадиновски ни изјави дека натпреварот не заслужува фудбалски коментар, а притоа им честиташе на неговите фудбалери.
„Натпревар кој не заслужува коментар од фудбалски аспект, нека дадат оценка и свое видување надлежните и фудбалската јавност. Можам само да им честитам на играчите кои и покрај сите предизвици во „наводници“ на овој натпревар покажаа тимски дух, карактер, пожртвуваност и на крај сепак останавме непоразени“, ни изјави Варадиновски.
Кожуф игра одличен и допадлив фудбал има одличен старт во новата сезона и со 12 бодови е на 4. место на табелата, притоа тимот од Гевгелија со три примени погодоци ја има најдобрата одбрана, а со 13 постигнати погодоци меѓу најефикасните напади.
Во следното коло Кожуф ќе гостува кај Големо Коњари.
