Градскиот стадион во Валандово денеска ќе биде центарот на вниманието во Трета лига – Исток. Од 15 часот се игра дербито на колото меѓу Победа Валандово и Овче Поле од Свети Николе – дуел на две непоразени екипи кои во досегашниот дел од сезоната прикажаа одлични партии.
Домашниот тим, кој ќе има силна поддршка од верните навивачи „Калинкари“, најавува голема борба за нови бодови и продолжување на позитивната серија. Очекувањата се дека стадионот ќе биде исполнет, а атмосферата на трибините ќе донесе дополнителен мотив за валандовските фудбалери.
Од друга страна, Овче Поле во Валандово доаѓа со големи амбиции и верба за нови три бодови и продолжување на победничката низа.
Се очекува возбудлив и борбен натпревар, достоен за дерби на врвот во Третата лига – Исток.
