Ракомет

Охрид сигурен во Кавадарци – убедлива победа пред европскиот предизвик!

Сподели
ФОТО: ГРК Охрид
Сподели

ГРК Охрид продолжува со победничкиот ритам во домашното првенство. „Гладијаторите“ на гостувањето во Кавадарци го надиграа Тиквеш со убедливи 39-25, во натпревар во кој уште во првиот дел не дозволија никаква неизвесност.

Охриѓани од самиот почеток ја презедоа контролата врз играта, а предноста постепено растеше. Веќе во 15. минута избраниците на Борис Ројевиќ имаа четири гола предност (8-4), по што продолжија да го диктираат темпото. На одмор заминаа со комотни шест гола позитива (17-11).

Ниту бројните ротации во составот на гостите во продолжението не ја променија сликата на теренот. Охрид ја задржа целосната контрола, дополнително ја зголеми разликата и на крајот стигна до убедлив триумф од 14 гола.

Со освоените бодови, Охрид сега има 19 на своето конто и се наоѓа на само еден бод зад лидерот Вардар, додека пред Еурофарм Пелистер има два бода предност. Сепак, двете екипи од Скопје и Битола имаат одиграно натпревар помалку.

Во стрелачкиот учинок кај охриѓани предничеа Доминик Мате и Тилен Стрмљан со по седум погодоци, Адама Кеита додаде шест, а голманот Славиќ забележа осум интервенции. Во домашниот состав најрасположени беа Гавидија со седум и Бен Махфуд со шест гола.

Убедливо издание и добра најава за она што следува – Охрид сега целосно се насочува кон европската сцена. Претстојниот викенд во СРЦ „Билјанини Извори“ го очекува двомечот со Драгунас Клаипеда, а двата натпревари од ЕХФ Европскиот Куп се закажани за 21 и 22 ноември, со почеток во 18:00 часот.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Ракомет

Познати составите за клучниот европски дуел: Пелистер без Хаидаридад, Гумерсбах без Рогановиќ

Еурофарм Пелистер и Гумерсбах ги одредија ракометарите со кои ќе настапат во вечерашната пресметка од четвртото коло во Европската лига на ЕХФ. Битолчани...

Ракомет

Охрид сигурен во Кавадарци – убедлива победа пред европскиот предизвик!

ГРК Охрид продолжува со победничкиот ритам во домашното првенство. „Гладијаторите“ на гостувањето во Кавадарци го надиграа Тиквеш со убедливи 39-25, во натпревар во...

Поврзани написи
Ракомет

Познати составите за клучниот европски дуел: Пелистер без Хаидаридад, Гумерсбах без Рогановиќ

Еурофарм Пелистер и Гумерсбах ги одредија ракометарите со кои ќе настапат во...

Ракомет

Вардар Неготино како „експресен воз“ го „прегази“ Радовиш, Македонија Ѓорче Петров со голема победа го „тресна“ Пролет

Деветтото коло од Првата ракометна лига во машка конкуренција донесе пет гостински...

Ракомет

Сите патишта водат кон „Млаз“ – Богданци и целиот Југоисток се обединуваат за првата победа на Младост!

Во сабота, Богданци повторно ќе живее за ракометот! Легендарната сала „Млаз“ се...

Ракомет

(ВИДЕО) Кадетите на Младост со голема победа против Куманово – Иванџиков постигна 12 гола, плеј-офот сè поблиску!

Кадетите на РК Младост 1977 од Богданци забележаа значајна победа во Кадетската...

✕
error: Содржина е заштитена! Се забранува копирање на истата!