Македонските претставници во Лигата на шампионите, Струмица кај мажите и Јанта Волеј Кисела Вода кај жените, ќе го отворат европскиот натпреварувачки циклус со два домашни натпревари во Скопје.
Според договорот меѓу македонските клупски прваци, нивните противници и Европската одбојкарска конфедерација, првите средби во клупските европски купови ќе се одиграат на 22 октомври во салата „Јане Сандански“.
Според распоредот, Струмица од 17:00 часот ќе го пречека романскиот шампион Динамо Букурешт, додека одбојкарките на Јанта Волеј КВ од 20:30 часот ќе се соочат со трикратниот првак на БиХ, Гацко.
Реваншот на Струмица против Динамо е закажан за 28 октомври во Букурешт, со почеток од 18:00 часот по македонско време, додека Јанта Волеј КВ ќе го игра својот возвратен дуел на 29 октомври во СЦ „Олимп“ во Требње.
