Шкендија без поголеми проблеми ја совлада екипата на Башкими во Тетово со 2-1. „Црвено-црните“ поведоа преку Решат Рамадани во 24. минута, а вториот гол го постигна Тамба во 53. минута по акција во која одбраната на гостите несреќно реагираше.
Башкими успеа да намали преку Хоџиќ од пенал во 76. минута, но немаше сили за целосен пресврт.
На Арената „Тодор Проески“ во Скопје, Вардар ја доби градската пресметка против Македонија ЃП со минимални 1-0. Клучниот момент се случи во 52. минута, кога Азер Омерагиќ ја искористи големата грешка на одбраната на гостите и ја смести топката во празната мрежа.
Македонија ЃП имаше свои прилики, но не успеа да го совлада Талески, па бодовите останаа кај „црвено-црните“.
