Фудбалската еуфорија во Струмица за натпреварот од 4. коло во Втората лига помеѓу Беласица и Детонит Плачковица расте од ден на ден. Поради големиот интерес кај публиката, управата на Беласица донесе одлука да ја отвори и северната трибина на стадионот „Благој Истатов“.
Мечот, кој се игра во недела од 19:00 часот под рефлектори, ветува вистински фудбалски празник. Посебен белег на вечерта ќе биде свеченоста посветена на најголемата клупска жива легенда – Петар Андреев, кому ќе му биде доделена плакета и врамен дрес за неговите рекордни 555 натпревари и 22 сезони во дресот на „плаво-белите“.
Од Беласица апелираат до сите љубители на фудбалот од Радовиш и пошироко, како и до гостинските навивачи, да ја почитуваат оваа одлука и да придонесат за фер и спортска атмосфера на трибините.
Со отворањето на северната трибина, се очекува „Благој Истатов“ да биде исполнет до последно место, што дополнително ќе ја подигне атмосферата за дербито кое го привлекува вниманието во ова коло од Втората лига.
